Жаңа жүйелер бұзау ауруларын олар пайда болғанға дейін үш күн бұрын анықтауға мүмкіндік береді. Ол туылғаннан кейінгі бірінші күннен бастап жеке бокста ұсталатын бұзауларға қолданылады.
Әрбір жеке бокстағы сенсор бұзаудың жүріп-тұруын тіркейді. Орнатылған инфрақызыл технологияның көмегімен тиісті бұзаудың қозғалысы өлшенеді. Осы мәліметтер негізінде қозғалыстардың сипатын түсіндіруге болады. Сервер бұл деректерді алгоритм арқылы үздіксіз бағалайды және алаңдататын бұзауларды анықтайды.
Нормадан кез келген ауытқулар туралы ақпарат қосымша арқылы табын менеджерінің смартфонына түседі. Табын менеджері нақты уақыт режимінде хабарлама алады, бұл оған бұзауларға мүмкіндігінше ертерек көніл бөлуге және емдеуге мүмкіндік береді.
Пайдаланушылар бүкіл табындағы жануарлардың денсаулығы мен әл-ауқатының жақсарып келе жатқанын қанағаттандықпен атап өтті. Жеке жануарлардағы ауруларды ерте анықтау және емдеу олардың таралуын тиімді төмендетуге мүмкіндік береді. Сонымен қатар, кейбір шаруашылықтар алынған мәліметтерді тікелей ветеринарға жібереді.
Бұзау бокстарына немесе иглустарына датчиктерді орнату бірнеше минут қана уақыт алады. Орталық блок та тез орнатылады.
Уве Веддиге
Фото: https://landwirt-media.com/bovitools-milchblockaden-loesen/